الكفتة المشوية (البيتى) ع الفحم
المكونات
نصف كيلو لحمة مفرومة
ملح فلفل بهارات
بصلة مبشورة
1 طماطم مبشورة
ومعلقة كبير بيكنج بودر
شوية بقدونس مفروم
3 معالق كبار بقسماط ناعم لو طرية معاكى شوية
خلطة تصبيع الكفتة
هاتى واحدة طماطم مبشورة ومية بصل وتوابل واى بهارات تحبيها وملح عشان تبلى ايدك فيها وانتى بتصبعى الكفتة
تحضير للشوى:
فحم
ورق فويل
خلة للشوى
الطريقه
هنحط كل المكونات مع بعض ونقلبهم كويس جدا ونسيبها فى التلاجة مدة ساعة تقريبا ونكون سخنة الفحم ع النار ونجيب صينية ونغلفها بطبقة فويل ونحط الفحم المولع ونجيب الشبكة بتاعة الفرن ونحطها زى الصورة كدة ونبتدى نصبع الكفتة ونبل ايدينا فى الخلطة عشان يكون للكفتة طعم حلو ونصبعها ع الخلة ولازم نكون نقعيين الخلة قبلها فى شوية مية عشان ماتتحرقشى معاكى انثاء الشوى ونصبع الكفتة ونحطها ع الشبكة من فوق ونشويها ونقلبها من وقت للتانى حتى تستوى من كل الجوانب وطبعا نهوى باى حاجة عندك عشان الفحم يسويها ع طول وميفيش معاكى وكلى بقى احلى كفتة بيتى مشوية جربيها وادعيلى .بالف هنا ليكم
طريقه عمل الكفته المشويه على الفحم
مكونات الكفته على الفحم
انواع التوابل التى تووضع على الكفته
خلطه تصنيع الكفته على الفحم
انواع للحمه للكفته المشويه
ليست هناك تعليقات:
إرسال تعليق