البيتزا الكدابة
المكونات :
فينو او توست
زيتون اسود واخضر
جبنة رومى مبشورة او اى جبنة
فلفل اخضر
صلصة بيتزا
الطريقة:
عندك فينو بايت كتير ومش عارفة تعملى بية اية او توست بايت مترميش حاجة وتعالى اقولك تعملية ازاى بيتزا سريعة قطعى التوست بكوب صغير او فنجان والفينو قشرى الوش بتاعة بالسكينة وقطعية مربعات واعملى صلصة زى بتاعة البيتزا معلقتين زيت وفصين توم و3 طماطم مبشورين وحمرى التوم مع الزيت وحطى الطماطم عليها والملح والتوابل وسيبها شوية لغاية ماتتسيبك وهاتى الفينو او التوست رصية فى صينية مدهونة زيت وحطى الفينو وحطى علية صلصة وزيتون اسود وفلفل اخضر وجبنة رومى مبشورة او اى حاجة انتى تحبيها ووجبة تنفع للعشا والفطار وخفيفة وسريعة والاطفال هيحبوها جدا .وبالف هنا ليكم
ليست هناك تعليقات:
إرسال تعليق