سمك مشوي بطريقة السنجاري
ينفع مع السمك الفيلية الكبير والبلطي والبوري والماكريل
التنظيف
السمك تنظفيه كويس جدا وتفتحي بطنه
طريقة فتحه ام البطن بس او بيتفتح ويبق زي كفة الايد
بالمناسبة احلي سمك يلطي مقلي اكلته في حياتي كان في الصعيد بيفتحوه زي كفة الايد وبيتقلي والله طعم قوي المهم نرجع بق للسمك بتاعنا بعا البلطي والبوري والماكريل يتفتحوا للاخر اطعم
لم تغسلي السمك تحطيه شوية صغيرة في ملح ولمون ونقطة خل واحدة بس لان الخل بيهري السمك وشوية دقيق خمس دقايق وطلعيه في مصفاة واعملي مقادير الحشوة دي وتتبلي السمكة بيه من برة وجوه وتحطيه في ورق فويل تدخليه الفرن ومش بيغيب قوي التتبيلة
المقادير
بقدونس اخضر +إكليل الجبل او روز ماري وزعتر +ثوم+بصل ترنشات وطماطم وفلفل ترنشات ++عصير ليمون+زيت زيتون+فلفل اسود+كمون شطة مجروشة او ناعمة ترنشات لمون
الطريقة
وتتبلي البصل والتوم والحاجات كلها بعدين تحشي السمك برة وجوه ومن فوق بق تحطي ترنشات اللمون والف هنا ودي طريقة ولو فتحتي السمك من ناحية البطن وفردتيها قوي وحطيتي الخلطة هيبق السمك السنجاري بياخد حوالي ساعة او حسب حجم السمكة
الطريقة التانية تجيبي ردة وتنظفي السمك وبكيفك عايزت تفتحي بطنه او لا تغلفي بالردة وتجيبي صاجة او صينية تخصيصها بق للشوي وتستني لم الصاجة تبق حامية جدا جدا وتوزعي عليها نقطتين زيت واول ما تسخن الطاسة تحطي السمك بالردة وتكوني مجهزة حلة محكمة الغطا + تتبيلة تاني ( توم مدقوق بقشره عليه ملح وفلفل وشطة وكمون وكسبرة وترنشات اللمون وعصير لمونة كمية اعمليها في برطمان خاص عشان كل ما تشوي السمك يبق جاهز ما عدا التوم طبعا واللمون بعدين اول ما تتشوي السمكة تحطي البقدونس في الحلة وتحطي السمكة وتتبيلها من فوق وتحت وتقفلي الغطا كويس وهكذا وبعدين تغطي بق الوش بكيس نظيف لم يعرق والف هنا
ليست هناك تعليقات:
إرسال تعليق