بسكويت الاريو
المقادير:
1 كوب سكر + 1/2 كوب زبدة صفراء + 1 بيضة + فانيلا + 1/2 كوب كاكاو خام او محلى
2 ونصف كوب دقيق و1 معلقة كبيرة بيكنج بودر + رشة ملح
الطريقة:
نضع الزبدة والسكر فى اناء ونضربهم جيدا لحد ما يبقوا كريمة بمضرب البيض الكهربائى
نضع البيضة والفانيلا ونضرب تانى لحد ما يتجانس
نضع الدقيق والبيكنج البودر والكاكاو مع بعض وننخلهم مع بعض
وبعدين نضيفهم للخليط ونضرب فى العجانة او باليد
نحطها فى التلاجة ترتاح شوية
نطلعها ولو لقناها نشفة نزود شوية زيت ونطريها ونلم العجينة
نفرد العجينة بالنشابة ونقطعها بقطاعة بسكوت او غطا اى حاجة عندك
نرصها فى صينية مدهونة زيت خفيف ونحطها فى فرن ساخن لمدة 15 دقيقة على نار متوسطة الرف الاوسط من الفرن
ومتقلقوش لانكم هتلاقوها طرية لما تخرجوها من الفرن وبعد كدة هتنشف من نفسها
لما تبرد نحشيها كريم شانتيه مجهز بالبن المثلج فى الخلاط ونحط فى التلاجة شوية وبعدين نحشى بية البسكوت .وبالف هنا ليكم
ليست هناك تعليقات:
إرسال تعليق