البفتيك
التتبيلة
بصلة مبشورة
وفص توم كبير
وملح وفلفل وشطة ( الشطة اختياري )
عصير لمونة
ربع ملعقة سكر صغيرة
وملعقة كبيرة خل
وربع م صغيرة بابريكا
وزعتر
وحبهان 3 فص
و2 عود بقدونس مفروم
كمون
كسبرة
قرفة ناعمة
جنزبيل ناعم
للبفتيك المقلي
نص كوب لبن وتحطي فيه فلفل وملح وتضربيهم في الخلاط وتخليه علي جنب
البقسماط لكل 2 ملعقة بقسماط ملعقة دقيق وتحطي عليها فلفل اسود وكسبرة ناشفة مجروشة وملح وكمون وتقلبيهم مع بعض وممكن تعملي برطمان بالخلطة دي وتخليه جاهز
الطريقة
اقطعي البصلة صغيرة وبعدين حطي كل المقادير في الخلاط واضربيهم ( الخلطة دي تنفع لتتبيل كل حاجة زي الكبدة والفراخ البانية والفراخ المتبلة ) وبعدين حطيهم على البفتيك وخليهم في التلاجة
تاني يوم افضل لو مستعحلة يبق على الاقل ساعة بعدين
تقسمي العدد للفتيك على 2 نصف يبق مشوي ونص التاني بالبيض والبقسماط
المقلي
هتحطي شريحة البفتيك في البيض بالللبن وتحطيها في مصفاة شوية بعدين تحطيها في البقسماط المتبل وتحطيها في طبق لم تخلصي خالص كله تحطيها في الفريرز 5 دقايق او التلاجة من تحت بعدين حمري وطلعي في مصفاة وبعدين علي طبق فيه ورق زبدة او جرنال وعليه كلينكس وهتشوفي الفرق في الاكل
المشوي
تحطي نقطة زيت في طاسة تيفال انا عندي بتاعة الشوي تدهني الطاسة كلها وتكوني مجهزة جنبك بخاخة الزيت عشان تبق ترشي لو قل كمية الزيت وتشويها على نار هادية وبعدين تقلبيها وحطي فصين توم معاها بقشرها في الطاسة
بعد ما تخلصي تجيبي شرائح طماطم وشرائح بصل وترشي عليها شوية زعتر وعصير نصف لمونة وذرة سكر وملح وشطة وتشويحي الطماطم مكان الشوى بتاع البفتيك صدقني هتسيبي البفتيك وتاكل الطماطم والبصل
ليست هناك تعليقات:
إرسال تعليق