كيكة شكوﻻتة
المقادير
كوب ونص دقيق
نص كوب كاكاو خام بيجي من عند العطار
( ممكن شكوﻻتة خام مبشورة بتاعة الحلويات وممكن نسكافية كمان بتبق روعة ) بس دي كاكاو
5 بيضة
كوب اﻻ ربع سكر
كوب لبن
نص كوب زيت
فانيليا ذرة قرفة ذرة جنزبيل ملح( هاسمي دول المجموعة )
2 ملعقة صغيرة بيكنج بودر
كيس محسن كيك
ربع ملعقة بيكربونات الصوديوم
التحضير
اول حاجة ادهن الصينية زيت او سمنة حسب الرغبة وارش دقيق واسيبها على جنب
افتح الفرن يسخن قبل ما ابدء شغل في الكيكة
الدقيق انخل 3 مرات دع بيساعد كتير قوي قوي ان قلبها يبق خفيف وجميل زي الصورة
الدقيق + البيكنج بودر + المجموعة + البيكربونات انخلهم مع الدقيق + كاكاو ينخل مع الدقيق
الطريقة
اضربي البيض والمجموعة مع بعض لغاية ما يعمل فقاقيع
ضيفي السكر واضربي لغاية ما يبان له صاحب ههه لغاية ما تﻻقيه بق كريمي
ضيفي اللبن والزيت واضربي
حطي بق الدقيق شوية بشوية واضربي
صبي الخليط في نص الصينية وسيبها هي تفرد متحركيش الصينية
دخليها الفرن
ممنوع فتح الفرن بعد ما تحطي الصينية على اﻻقل اول ربع ساعة وخلي بالك ان الفرن ﻻزم يكون سخن جدا مش بتاخد وقت كده في التسوية بعدين لم تستوي طلعيها من الفرن انتظري 5 دقايق بعدين اقلبي الكيكة على منخل وسيبها تبرد وبعدين قطعيها وحطيها في علبه والله عليها فطار مع نسكافية او شاي
ليست هناك تعليقات:
إرسال تعليق